Friday, September 27, 2013

2013 წლის გამოსაშვები გამოცდები - განრიგი

            გამოსაშვები გამოცდები 4 საგანში (ფიზიკა, ქიმია, ბიოლოგია, გეოგრაფია) ცენტრალიზებულად, კომპიუტერზე ადაპტირებული ტესტირებით (CAT) ჩატარდება.

       პირველ საგამოცდო დღეს, 09:00 საათზე მეთორმეტეკლასელები გეოგრაფიის დავალებებზე დაიწყებენ მუშაობას. საგამოცდო პროცესში 2000-ზე მეტი მეთვალყურეა ჩართული.

   გამოცდების დაწყებამდე ყველა მოსწავლე საკუთარ სკოლაში მიიღებს საგამოცდო ბარათს, რომელზეც მითითებულია 4-ვე გამოცდაზე გამოცხადების თარიღი და დრო.

      მოსწავლე მითითებულ დღეს და საათზე უნდა გამოცხადდეს შესაბამის სკოლაში და გაიაროს რეგისტრაცია. მან თან უნდა იქონიოს საგამოცდო ბარათი, პირადობის მოწმობა და კალამი. დასაშვებია მხოლოდ პირადი ჰიგიენის ნივთებისა და პლასტმასის ბოთლით წყლის შეტანა.

2013 წლის სკოლის გამოსაშვები გამოცდების ჩატარების განრიგი:


12 ოქტომბერი - გეოგრაფია;

13 ოქტომბერი - ფიზიკა;

14 ოქტომბერი - ბიოლოგია;

15 ოქტომბერი - ქიმია.

Tuesday, September 17, 2013

2013-2014 სასწავლო წელი დაიწყო

16 სექტემბერს საქართველოს საჯარო სკოლებში ახალი სასწავლო წელი დაიწყო. საქართველოს განათლებისა და მეცნიერების მინისტრმა თამარ სანიკიძემ სასწავლო წლის დაწყება მოსწავლეებსა და სტუდენტებს თბილისის ერთ-ერთ ყველაზე დიდკონტიგენტიან 47-ე საჯარო სკოლიდან მიულოცა.
ახალ სასწავლო წელს სამინისტრო ბევრი სიახლით ხვდება:
  • 60 000-ზე მეტ პედაგოგსა და სკოლების 20 000-მდე ადმინისტრაციულ და ტექნიკურ პერსონალს ხელფასი გაეზარდა;
  • ყველა საჯარო სკოლის მოსწავლეს სახელმწიფოსაგან  სასკოლო სახელმძღვანელობი გადაეცა;
  • უფასო სახელმძღვანელოები  კერძო სკოლების სოციალურად დაუცველ და საჯარო სკოლის შენობის გასხვისების შედეგად კერძო სკოლის მოსწავლეებად დარეგისტრირებულ მოსწავლეებს გადაეცათ, ასევე 2008 წლის ომში დაღუპული მეომრების შვილებს;
  • მიმდინარე წელს საქართველოს მასშტაბით 600-ზე მეტი სკოლა გარემონტდა, სარეაბილიტაციო სამუშაოები გრძელდება;
  •  ცხრა ახალი სკოლის მშენებლობა იწყება, პროექტების მომზადება დასრულებულია;
  • გრძელდება სკოლების ავტობუსებით უზრუნველყოფის პროგრამა და ახალ სასწავლო წელს  906-ზე მეტი სკოლის 45 000-მდე მოსწავლე ისარგებლებს უფასო ტრანსპორტირებთ;
  • იცვლება და უფრო მოქნილი გახდება  მასწავლებლების სერთიფიცირების  დანამატის გაცემის სქემა;
  • ბუკები, რომელიც ყველა პირველკლასელს საჩუქრად გადაეცა,  გაუმჯობესებულია ტექნიკური მახასიათებლებით და პროგრამებით. მათი გამოყენება, არა მხოლოდ პირველ, არამედ, მეორე და მესამე კლასებშიც შეიძლება. ახალი სასწავლო-საგანმანათლებლო თამაშების განახლება/შევსება მომავალშიც სისტემატიურად განხორციელდება;
  •  წელს პირველად, ყველა პირველი კლასის დამრიგებელს კლასთან მუშაობისათვის ნაცვლად ბუკისა,   სრულფასოვანი პერსონალური კომპიუტერები  გადაეცემათ;
  • საქართველოს ყველა საჯარო სკოლაში  იქნება იტერნეტი და მასწავლებლებს ელექტრონულ რესურსებთან მუშაობის საშუალება ექნებათ;
  • საქართველოს ყველა საჯარო სკოლა ელექტრონულ საქმისწარმოებაზე გადავა;
  • სკოლებში ახალი ტიპის საკლასო ჟურნალები შევიდა, ხოლო მათი ელექტრონული ვერსიის  პილოტირება 15 საჯარო სკოლაში დაიწყება;
  • შეიცვალა მოსწავლის პირადი საქმის სტრუქტურა;
  • ორ საჯარო სკოლაში (#166, #64) სპეციალური საჭიროების მქონე მოსწავლეთათვის ინტეგრირებული კლასი გაიხსნა;
  • ყველა საჯარო  სკოლაში, სადაც ისწავლის  სპეციალური საგანმანათლებო საჭიროების მქონე  მოსწავლე, დამატებითი პერსონალი-სპეცმასწავლებელი იმუშავებს, რომელსაც  სამინისტრო დააფინანსებს;
  • ლეიკემიით დაავადებული ბავშვებისთვის იაშვილის კლინიკაში სპეციალური სკოლა მოეწყო და ადგილზე ჩაუტარდებათ გაკვეთილები;
  • მასწავლებლებისთვის მომზადდა, ყველა კლასის საგნობრივი გზამკვლევები,  რომელიც   სამინისტროს ელექტრონულ ბიბლიოთეკაში აიტვირთება;
  • ყველა რესურსცენტრს ეყოლება იურისტი, რომელიც სკოლებს სამართლებრივ დახმარებას გაუწევს.
  • საჯარო სკოლებში კარიერის  დაგეგმვის და პროფესიული ორიენტაციის დაგეგმვის კურსი დაიწყება, რომელიც მოსწავლეებს საშუალებას მისცემს პროფესიის არჩევისას გაცნობიერებული არჩევანი გააკეთონ.

Followers