Wednesday, May 20, 2009
Monday, May 18, 2009
ისინი ყოველთვის "ჩვენები" იქნებიან....
....15 მაისს ჩვენს სკოლაში XII კლასელებისთვის ბოლო ზარმა დარეკა, ისინი ბოლოჯერ შემოვიდნენ ჩვენს სკოლაში, როგორც მოსწავლეები... რაც მთავარია, არავის დავიწყებია ტრადიციული ბოლო ზარის მოწყობა, რომელმაც, სხვათა შორის, ძალიან მხიარულადაც ჩაიარა....
ღონისძიება კურსდამთავრებულთა დარბაზში საზეიმო შემოსვლით გაიხსნა. მათ სიტყვით მიმართეს სასწავლო ნაწილებმა, პედაგოგებმა, დამრიგებლებმა, პირველმა მასწავლებლებმა, დირექტორმა; ამ უკანასკნელმა გაახმაურა სურპრიზი, რომელიც სკოლამ მოუმზადა წარჩინებულ მოწაფეებს. მათ გადაეცათ ენციკლოპედია "ცნობილი ადამიანების ბიოგრაფიები". გამორჩეული საჩუქარი გადაეცა წარჩინებით კურსდამთავრებულ და მოწოდებით პოეტ ადამიანს, ეკა უმეკაშვილს. მას სკოლამ მობილური ტელეფონი გადასცა საჩუქრად.
წლევანდელი გამოშვება უყურადღებოდ არც სკოლის თვითმმართველობას დაუტოვებია. მათ სპეციალური დიპლომებით "დააჯილდოვეს" კურსდამთავრებული ბიჭები. მათ მიენიჭათ ტიტულები, რომელნიც დამყარებული იყო მათ ნიშან-თვისებებსა თუ ჩვევებზე, გარეგნობაზე... ამ დაჯილდოვებამ პუბლიკის და კურსდამთავრებულების დიდი მოწონება დაიმსახურა.
საღამო გაგრძელდა მოსწავლეთა ვიდეო ალბომით და დასრულდა სკეჩებით, რომლებიც დამამთავრებლებმა წარმოადგინეს.
ჩვენი სკოლა ულოცავს მათ ამ თარიღს და უსურვებს ბედნიერებას, წინსვლას და წარმატებებს მომავალ ცხოვრებაში.....
Friday, May 8, 2009
ინფორმაცია აბიტურიენტთათვის!
დამამთავრებელი კლასის მოსწავლეები ამონაბეჭდებს მიიღებენ სკოლებში.
სკოლადამთავრებულებმა უნდა მიაკითხონ:
თბილისში: N89 საჯარო სკოლას (ქეთევან წამებულის N40)
რაიონებში: საგანმანათლებლო რესურსცენტრებს.
აბიტურიენტმა უნდა დაადასტუროს, რომ ამონაბეჭდზე ზუსტადაა დატანილი მის მიერ განცხადებაში მითითებული ინფორმაცია.
Wednesday, May 6, 2009
Tuesday, May 5, 2009
უმაღლეს საგანმანათლებლო დაწესებულებების ფაკულტეტებზე 2009 წელს არსებული კონკურსი
2009 წლის ერთიანი ეროვნული გამოცდებისათვის 29236 აბიტურიენტი დარეგისტრირდა.
მისაღები კონტინგენტი საბაკალავრო პროგრამებისათვისა და უმაღლესი პროფესიული პროგრამებისათვის 27624-ით განისაზღვრა.
Friday, May 1, 2009
ოლიმპიადის დასკვნითი ტური
დასკვნით ტურში მონაწილეობს ოლიმპიადის პირველ ტურში გამარჯვებული 1 366 მოსწავლე.
მონაწილეებმა დასკვნით ტურზე მოსაწვევი ბარათები უშუალოდ სკოლებში მიიღეს.
2 მაისს ჩატარდება ბიოლოგიის, ფიზიკის, ისტორიისა და ინფორმატიკის ოლიმპიადა, 3 მაისს კი მოსწავლეები ქართული ენისა და ლიტერატურის, გეოგრაფიის, ქიმიისა და მათემატიკის ოლიმპიადაში მიიღებენ მონაწილეობას.
ოლიმპიადა ტარდება როგორც ქართულ, ასევე სომხურ, აზერბაიჯანულ და რუსულ ენებზე.
დასკვნით ტურში გამარჯვებული 10 მოსწავლე ეროვნული ნაკრების წევრი გახდება და მოსწავლეთა საერთაშორისო ოლიმპიადაში მიიღებს მონაწილეობას.
ოლიმპიადის ჩატარების მიზანია: ნიჭიერი მოსწავლეების გამოვლენა, სასკოლო რეფორმის ხელშეწყობა, სასკოლო ცხოვრების სტიმულირება, მოსწავლეების, პედაგოგების, სასწავლო პროცესის წახალისება, საქართველოს ნაკრების კანდიდატთა გამოვლენა საერთაშორისო ოლიმპიადებისთვის.